PELUSIUM

PELUSIUM
oppid. in extrema Aegypti ora, quae Casiotidi contermina est, a quo et extremum Nili ostium, coeteris Orientalius, quô Aegyptus ab Asia terminatur, Pelusium, seu Pelusiacum vocatur. Nunc Carabes Tyrio, Lucan. l. 8. v. 466.
In vada decurrit Pelusia septimus amnis.
Vicus, Belbais hodie, teste G. Tyriô, seu Belves: ex eius ruinis crevit Damiata, urbs ei fere adiacens, in adversa ripa Nili Pelusiaci. Prope oram littoralem maris Mediterran. 150. mill. ab Alexandria in Ortum, 120. a Memphi in Caeciam, sub Turcis. Aeliopolis olim dicta, ab Aelio Principe, qui eam triplici cinxerat murô; Sabellicus. Incolae Pelusiotae, quos Pathrusaeos esse, ut nonnulli volunt, falsum est, cum ob alias causas, tum maxime, quia Ezechielis c. 30. v. 14. et 15. diversa loca sunt Pathros, et Sin, i. e. Pelusium, ut recte interpretatur Hieronym. Nam Pelusio nomen fecit πηλὸς, h. e. lutum, Strabo l. ult. Καὶ αὐτὸ δὲ τὸ Πηλούσιον κύκλῳ περικέιμενα ἔχει ἕλη ἅ τινες Βάραςθρα καλοῦσι, καὶ τέλματα. Et paulo post ὠνόμαςται δὲ ἀπὸ τοῦ πηλοῦ. Merito ergo (inquit Bochart. l. 4. Phaleg, c. 27.) Pelusium Sin appellatur a Syris, quibus Gap desc: Hebrew id ipsum est, quod Graecis πηλός. Rursus Ezechiel dicit, Sin esse Gap desc: Hebrew, h. e. robur Aegypti, quia ex illa parte Aegypti, est aditu maxime difficilis. Strabo l. 17. Ταύτη δὲ καὶ δυσέισβολός ἐςτιν ἡ Αἴγυπτος. Et Diodor. Sic. l. 15. Μάλιςτα τὸ Πηλουσιακὸν ςτόμα κατεσκεύασαν, διὰ τὸ κεῖςθαι μὲν αὐτὸ πρῶτον πρὸς τοὺς ἀπὸ Συρίας πορενομένους. Suid. Πηλούσιον, etc. κλεὶς τῆς Αἰγύπτου καὶ εἰσόδου καὶ ἐζόδου. Polyaenus l. 7. Stratagem. c. 9. Καυμβύσης Πηλούσιον ἐπολιόρκει, Αἰγύπτιοι κρατερῶς ἀνςθίςταντο, ἀποκλέιοντες τῆς Αἰγύπτου τὰς ἐμβολάς. Iuxta Pelusium est optima lens. Virg. Georg. l. 1. v. 228.
Nec Pelusiacae curam aspernabere lentis.
Ubi Servius: Pelusium unum est de 7. ostiis Nili, ubi optima lens nascitur, unde κατ᾿ ἐζοχὴν locutus est. Martial. l. 13. epigr. 9.
Accipe Niliacam, Pelusia munera, lentem.
Ausonius Idyll. 12. Technopaegn.
Et Pelusiaco de semine plana teres lens.
Ubi planam et teretem dicit, quia duo genera eius in Aegypto, alterum rotundum, nigriusque alterum suâ figurâ, uti loquitur Plin. l. 18. c. 12. Inde Alexandrini σύντροφοι τῷ φακίῳ βρώματι, h. e. lente plurimum vescebantur: ac tota urbs πλήρης φωκίνων, plena lenteorum, teste Cynulcô apud Athenaeum, l. 4. Bochart. loc. cit. Lloyd. Pelusia dicitur apud Iul. Capitolinum in M. Antonino Philos. c. 23. Sacra Serapidis a vulgaritate Pelusiae submovit. Ita enim omnes libri: etiam princeps editio Pelosiae. Sic itaque esset Pelusia pro Pelusium. Licenter enim Veteres egisse notum, in urbium nominibus enumerandis, tum in genere tum in numero, ut τὰ Λούγδυνα, pro Lugdunum: Tyanae, pro τὰ Τύανα: et Megara Megarae, pro τὰ Μέγαρα, ac similia. Similiter Πηλίον urbs Thessaliae et Ηλία, Salmas. ad loc. Casaubon. vero, nec reluctante Salmasiô, apud Capitolin. reponit, Pelusia, legitque, a vulgaritate Pelusia, i. e. Pelusiaca. Urbem enim hanc Aegypti nemo unquam Pelusiam, inquit, dixit, omnes Pelusium: unde deductum Gentile varie formârunt. Stephanus, τὸ ἐθνικὸν Πηλουσιώτης, ὡς Ζεφυριώτης᾿ ἀλλὰ καὶ Πηλούσιος καὶ Πηλουσιακὸς, Gentile Pelusiotes, ut Zephyriotes: etiam Pelusius et Pelusiacus. Appellat vero hîc Pelusiam vulgaritatem Capitolin. cives Pelusiotas, et omnem illam turbam, quae, Serapaeae festivitatis causâ, eo solebat ex coetera Aegypto convenire: in quam et mercimonii causâ concurri consuevisse, tradit Hieronymus, qui Pelusiacam lentem, apud Poetam. interpretatur, contra Veter. Criticorum sententiam, Non quod ibi genus hoc leguminis gignatur quam maxime: sed quod e Thebaide et omni Aegypto per rivum Nili illuc plurimus deferatur. Videntur etiam Ludi Pelusii, quorum meminit Tertullian. de Bapt. magna hominum frequentiâ celebrati. Cum igitur Pelusiotae, obtentu sacrorum Serapidis et religionis ludorum, multa flagitia et scelera soliti essent exercere, ut eorum petulantiam coerceret Marcus, sacra ista illis ademit. Nam alioqui mirum, sacra Aegyptiaca, quae etiam Romae essent permissa, urbi Aegyptiacae adempta fuisse. Sed populi livius perversam mentem et pravos mores etiam proverbiô notârunt Veteres. Hinc apud Hieronymum saepius Pelusiota, stulti hominis et Marrucini convitium est, allusione factâ non minus
ad mores civium, quam ad nominis veriverbium. Neque enim Aegyptiaca vox est, sed Graeca: παρὰ τὸ πηλὸς, ut docet Strabo, ut si Lutetiam a luto dicas. Et digni sane fuerunt Pelusiotae, qui risum omnibus tollerent, cum suo illo Deo mirifico, crepitu ventris inflati, quae, ut idem Hieronymus scribit, Pelusiaca fuit religio, Comm. in Esai. l. 12. c. 46. Quo, nisi fallor, Lactantius respicit, quando post Aegyptios, ob turpissimarum pecudum cultum, reprehensos, eos etiam quaedam pudenda dictu tamquam Deos adorare, adicit, div. Institut. l. 5. c. 21. Inde iisdem cepe in veneratione, a quo, ut et allio, facile ad illa transitur. Lucian. Iov. Tragic. Tom. III. ad peculiares cuique Aegypti regioni urbive cultores transiens, Ι᾿δίᾳ δὲ, subiungit, Μεμφιταῖς μὲν ὁ βοῦς Θεὸς, Πελουσιώταις δὲ κρόμνον, Coeterum privatim Memphitis quidem bos Deus est, Pelusiotis vero cepe. Unde iterum Hieronym. adv. Iovinian. l. 2. Impelle, ait, si vales, Pelusiotem, ut manducet cepe. Et loco supra cit. Ut taceam de formidoloso et horrido cepe, etc. Quamquam Voss. de Orig. Idolol. l. III. Part. 1. c. 5. sub sin. de Aegyptiis istis credere malit, illos crepitus hos turpes non proprie pro Diis, sed (ut tota fere eorum religio symbolica fuerit) pro signis habuisse divinae potentiae, quia nimirum et servandi, et quando intempestive et pervicaciter nimis retineantur, perdendi hominis habeant potestatem. Vide Tob. Pfannerum System. Theol. Gentil. Purior. C. 1. §. 1. Ad locum Capitolini addit Gruterus, verba illa ita se capere, non ut omnino abstulerit Imperator Pelusiotis omnibus Seapidis sacra, sed ab eis excluserit vulgus promiscuum, curâ eorum demandata Sacerdotibus tantum ac viris primariis etc.

Hofmann J. Lexicon universale. 1698.

Look at other dictionaries:

  • Pelusium — was a city in the eastern extremes of Egypt s Nile Delta, 30 km to the southeast of the modern Port Said. Alternative names include Sena and Per Amun (Egyptian, Coptic: Coptic|Ⲡⲉⲣⲉⲙⲟⲩⲛ Paramoun meaning House or Temple of Amun), Pelousion (Greek,… …   Wikipedia

  • Pelusium — Pelusium in Hieroglyphen Neues Reich …   Deutsch Wikipedia

  • Pelusium — • Titular metropolitan see in Egypt, mentioned in Ezekiel 30:15 Catholic Encyclopedia. Kevin Knight. 2006. Pelusium     Pelusium     † …   Catholic encyclopedia

  • Pelusium — Pelusium,   griechisch Pelusion, altägyptische Hafenstadt am östlichsten Mündungsarm des Nils, Grenzfestung gegen Palästina; Ruinen bei Tell Farama, 35 km südöstlich von Port Said. Durch seinen Sieg bei Pelusium (525 v. Chr.) begründete Kambyses… …   Universal-Lexikon

  • Pelusĭum — Pelusĭum, jetzt versandeter Nilhafen (s. Nil, S. 700), wo einst ein wichtiger Flußarm mündete …   Meyers Großes Konversations-Lexikon

  • Pelusium — Pelusĭum, altägypt. befestigte Grenzstadt, an der Ostseite der Pelusischen Nilmündung; im Mittelalter Farama; Ruinen bei Tîneh. Hier siegte 525 v. Chr. Kambyses über die Ägypter und machte dem ägypt. Reiche ein Ende …   Kleines Konversations-Lexikon

  • Pelusium — Pelusium, altägypt. Gränzfestung gegen Syrien (wahrscheinlich nach den Philistern benannt), am östl. Nilarme, am Rande der Wüste; die Ruinen bei Tineh in der Nähe von Damiette …   Herders Conversations-Lexikon

  • Pelusium — Péluse Article de la série Lieux égyptiens Lieux Nomes / Villes Monuments / Temples Région Basse Égypte / Moyenne Égypte Haute Égypte / Nubie …   Wikipédia en Français

  • Pelusium — Ancient Egyptian city. Located on what was once the easternmost mouth of the Nile River, its ruins lay southeast of modern Port Said. Beginning in the 26th dynasty (с 7th century BC), it was the main frontier fortress facing Palestine and was a… …   Universalium

  • Pelusium —    Ancient Sjn or P3y ir Imn. Modern Tell Farama. Major town on Egypt’s eastern border in the 14th Upper Egyptian nome. It is attested from the Old Kingdom to the Arabic Period. Pelusium was the first destination of invaders across the Sinai… …   Ancient Egypt

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.